Aalisartunut siunnersortimut ikiorti

Royal Greenland Maniitsoq aalisartunut siunnersortimut ikiortissamik pissarsiorpoq.

Aalisartut qanimut suleqataaffigilerusuppigit, siunnersuinerlu soqutigisaralugu? Suliffimmi ulapaarfiusumi aalisartunut siunnersuisumut ikiortissamik Maniitsumi sulisussamik ujaasivugut.

Suliffik qaammammusiaqarfiuvoq sapaatip akunneranut 40 timer, pisariaqartillugu ulluni nalinginnarni suliffiusuni sulinerusarnissaq naatsorsuutigineqassaaq, taamattaaq pisariaqalersinnaavoq sapaatip akunnerisa naanerini sulineq.

Suliassat akisussaaffiillu ukuupput:

• Royal Greenland-p nuutsitsiviutaanik aalisartunut atuiniartunut sineriammeersunut kiffartuusseqataassalluni, agguaasseqataassalluni, nakkutiginneqataassallunilu, angalanikkut pappiaqqatigullu.
• Umiatsiaq NordStar 26 atorlugu angalalluni uumatitsivinnik misissuinerni, nunaqarfinnullu angalanerni suleqataassalluni, nuutsitsiviillu utertinnissaat iluarsaanneqarnissaallu peqataaffigilluinnassallugu.
• Uumatitsiviit atorlugit aalisartunut Sisimiuniit – Paamiut tikillugit attaviginneqataassalluni, taakkunanngalu saaffiginninnerit suleqataaffigissallugit.
• Umiarsuup aalisakkanik milluaasartup "TUNEQ"-p suleqatiginerani peqataassalluni.
• Maniitsumi Aalisartut Peqatigiit ataatsimeeqatiginissaat aaqqissueqataaffigissallugu, ataatsimiinnernilu pisariaqartillugu imaqarnilioqataasassalluni
• Pisariaqalertillugu fabrikkip iluani immikkoortunut allanut ikiuukkiartoqqusaaneq sillimaffigineqassaaq.

Naatsorsuutigivarput:

• Allaffimmiutut assigisaanilluunnit aamma aalisartut piniutaanik iluarsaassinerit assigisaanilluunniit pikkorissarsimanissaq orniginarpoq, piumasaqaataananili.
• Suliffimmi aalajaatsuuneq, suleqatikkuminartuunerlu pingaartitaraarput.
• Qarasaasiamik naammaginartumik atuisinnaasuuneq iluassaqaaq.
• Nuutsitsivinnik ilaartuisinnaaneq iluaqutaassaaq.
• Qallunaatut paasisinnaaneq oqalussinnaanerlu iluaqutaassaqaaq.

Aningaasarsiat atorfininnermilu atugassarititaasut:
Suliffeqartitaanermi atugassarititaasut Royal Greenlandip aamma S.I.K-p akornanni qaammammusialinnut isumaqatigiissutaasut atuuttut malillugit pissapput. Suliffimmut atatillugu inissaqartitsisoqangilaq.
Sulilernissaq pissaaq isumaqatigiinnerup kingorna.

Atorfik soqutigigukku
Ukununnga saaffiginnissinnaavutit: Lauritz Kreutzmann oqarasuaat 817574, e-mail: lakr@royalgreenland.com imaluunniit tunisassiorfimmi pisortaq, Susanne Marie Olsen oqarasuaat 817570, e-mail: sumk@royalgreenland.com
Qinnuteqaat ilinniagaqarsimanermut uppernarsaatinik imminut ilisaritinnermik imalik, oqaaseqaatinilluunniit imaqartussaq tigoreersimassavarput ulloq 25. september 2026.