Aalisarnermik ineriartortitsinermut pisortaq Royal Greenlandimut Nuummi
Aalisarnermik ineriartortitsinermut pisortaq Royal Greenlandimut
Aalisarnermik ineriartortitsineq siuttuuffigerusuppiuk, inuit aqqutigalugit angusaqarlutit aammalu pisortatut ineriartorlutit?
Royal Greenland aalisarnermik ineriartortitsinermut pisortassarsiorpoq, aalisarnermik siunnersortinut aqutsisussamik kiisalu Kalaallit Nunaanni angallatinik minnerusunik aalisarnerup ingerlaavartumik ineriartortinneqarnerani pingaarutilimmik inissisimassasumik.
Inissisimaffissat
Aalisarnermik ineriartortitsinermut pisortatut sammivissamik aalajangersaasassaatit, suleqatitit kajumissaarlugit ineriartortissallugit kiisalu aalisarnermut anguniakkavut suliniutinngortissallugit.
Aammattaaq aalisartunut, ingerlatsinermut, oqartussanut aammalu suleqatigisanut allanut pingaarutilimmik ataqatigiissaarisuussaatit. Taamaattumik atorfiup aqutsinermi akisussaaffik, attaveqarfigisartakkat amerlasuut aammalu Kalaallit Nunaanni aalisarnerup ineriartortinneqarneranut sunniuteqarnissamut periarfissaq pingaarutilik imaraa.
Suliassatit
Aalisarnermik siunnersortit, aalisartut ulluinnarni naapittagaat peqatigalugit, periarfissaat unammilligassaallu qanillugit malinnaaffigisassavatit. Ilaatigut:
- Aalisarnermik siunnersortit aqutsisiorlugit, siunnersorlugit ineriartortillugillu suleqatigissavatit
- Aalisarnerup ineriartortinneqarnissaanut iliuusissanik pilersaarusiortarneq atuutsitsisarnerlu
- Aalisartunut, oqartussanut soqutigisaqaqatigiinnullu pitsaasunik attaveqarnermik oqaloqatigiinnermillu pilersitsineq
- Ingerlatsivimmut suleqateqarnikkut aalisarnerup, aalisakkanik pilersuinerup tunisassiornermilu piginnaasat akornanni ataqatigiissitsisarneq
- Angallatinik ineriartortitsinermik aningaasaliinernillu kiisalu aalisartunut suliniutinik nutaanik tapersersuisarneq
- Aalisarnermi periarfissanik nutaanik teknikkikkullu ineriartornernik siuarsimasumik malinnaasarneq
Illit qanoq ittuunissat takorloorparput?
Takorloorparput aqutsisuusutit pimoorussisoq ersarissorlu, inuit peqatigalugit angusaqarnissaq nuannaralugu. Sammivimmik erseqqissumik aalajangersaasinnaavutit, peqatigisaanillu akisussaaffimmik tigusinissaannut sulisutit, ineriartortinnissaannut aammalu ilisimasaminnik piginnaasaminnillu atuisinnaanissaannut periarfissiisarlutit.
Aalisarnermi, FMCG-mi imaluunniit inuussutissarsiummi qanittumik attuumassuteqartumi aqutsisutut misilittagaqarnissat naatsorsuutigaarput, aammalu soqutigisaqaqatigiit assigiinngitsut akornanni attaveqarnermik suleqatigiinnermillu pilersitsisinnaassuseqarlutit.
Suliamik aaqqissuussamik angusaqarfiusumillu ingerlatsisinnaavutit, niuernermik paasinnittuusutit aammalu periusissianik iliuusissanut allanngortitsisinnaallutit. Aamma iluaqutaassaaq, qallunaatut tuluttullu oqalussinnaaguit. Kalaallisut allannikkut oqalunnikkullu piginnaasaqarneq atorfiup inuttalerneqarnissaanut piumasaqaataavoq.
Nuummiik sulineq ingerlanneqassaaq
Atorfik Nuummi Royal Greenlandip allaffiani inissisimavoq, sulinerilli Kalaallit Nunaat tamakkerlugu suliffiussaaq. Taamaattorli Nuup avataani najugaqarnissaq immikkut isumaqatigiissuteqarnikkut periarfissaasinnaavoq.
Taamaattumik ulluinnarni Royal Greenlandimi suleqatit assigiinngitsut akornanni qanittumik suleqateqartassaatit aammalu nunap immikkoortuini assigiinngitsuni aalisartut najukkallu inuiaqatigiillu qanillugit suleqatigisassallugit.
Taamaasillutit aalisarneq sumi ingerlanneqarnerani tassani misigisaqarfigisinnaavat, attaveqaatinik nukittuunik pilersitsisinnaallutit aammalu suleqatitit peqatigalugit aalisarnerup ineriartortinneqarneranut ersarissumik sunniuteqarsinnaallutit.
Suliffik: Aallaaviatigut Nuuk Qinnuteqarnissamut killigititaq: 25. oktober
Soqutiginnippit?
Atorfiup soqutiginnilersippatit, taava Kalaallit Nunaanni tunisassiornermut pisortaq Kalaallit Nunaanni, Tunisassiornermi pisortaq Tom Kaster attaveqarfigisinnaavat e-mailikkut: tomk@royalgreenland.com, oqarasuaat +299 54 21 05, imaluunniit HR Business Partner Søren Olsen Damgaard e-mailikkut: sold@royalgreenland.com, oqarasuaat +299 54 75 87, sukumiinerusumik paasisaqarfiginissaqarusukkuit attavigissuat.