Nuummi Royal Greenlandi Content Creator & Social Media Specialist-imik ujaasivoq

Kalaallit Nunaanni suliffeqarfiit annersaata nittartakkatigut imarisassaanik pilersitsineq aammalu nunarsuullu issittumiik kinguppannik avammut tunisaqarnerpaamut oqaluttuanik oqaluttuarnissaq soqutiginartippiuk? Suliffeqarfitsinni nittartakkat imarisaannik aammalu inooqatigiinnermi nittartakkatigut eqqarsarluarsinnaasumik paasissutissat attaveqatigiinnermik nukittorsaasinnaasumik, aammalu inuiaqatigiinnut soqutiginartumik oqaluttuanik nuannersunik soqutiginiartunillu nutaaliorsinnaasumik ilisimasaqarluartumik ujaasivungut.

Nuummi attaveqaqatigiinnermut suleqatigiit ilagilissavatit, kisiannili Royal Greenland tamarmi suliffigissallugu. Suleqatissamik pisariaqartitsivugut, isumassarsiaq siullerpaamik oqaloqatigiinnermit aallartillugu imarisassatut naammassisumut ingerlassinnaasumik, attaveqaqatigiinnermi attveqaataasinnaasut assigiinngitsut akimorlugit pilersaarusiorsinnaasumik, kiisalu angusagut tunngavigalugit attaveqaqatigiinnerput ineriartortissinnaasumik.

Oqaluttuanik ujaasisassaatit, pilersitsisassaatit aammalu ingerlatitseqqiisassallutit
Suliffeqarfitsinni oqaluttuassaqartuaannarpungut. Oqaluttuat ilaatigut sulisutsinni, tunisassiorfitsinni, kilisaatitsinni aammalu najukkani inuiaqatigiinni, peqatigisatsinni, nassaassaapput.

Nunarsuaq tamakkerlugu suliffeqarfissuatsinni, nunarsuup immikkoortortaqarfiini assigiinngitsuni suleqatigut, pisisartutsinnut tunngasunut ingerlatsivungut.
Attaveqaqatigiinnermut suleqatigiit sinneri peqatigalugit oqaluttuat pitsaasut nassaarissavatit, imarisassanullu nuullugit nutaarsiassanngorlugit, najukkani nunarsuarmilu siunnerfigisagut soqutiginnilersissinnaallugit kiisalu Royal Greenlandip periusissiaanik anguniagaanillu tapersersuisunik.

Kalaallisut oqaatsinik ilisimasaqarnermik pingaartitsivugut, kisianni qinnuteqartunut piginnaasaqarluartunut tamanut atorfiup qinnutigineqarnera tikilluaqquarput.

Suliassatit ilaatigut ukuussapput:

• Allaganik paasissutissanik assinik videonillu imarisassanik pilersitsineq.
• Social media-nut, nittartakkamut kiisalu suliffeqarfiup iluani attaveqaqatigiinnermut nittartakkat imarisassanik pilersaarusiorneq pilersitsinerlu, siunnerfigisagut kiisalu periusissiatigut oqariartuutit eqqarsaatigalugit.
• Imarisassanik ataatsimoorussanik pilersaarummik akisussaaneq aammalu oqaluttuanik isumassarsianit aallartillugit saqqummiunneqarnissaasa tungaanut ingerlariaqqinnerannik qulakkeerinninneq.
• Social media-ni angusat misissoqqissaarlugit nalunaarusiorneq, angusallu tunngavigalugit imarisassat ineriartortillugit attaveqaqatigiinnerullu nukittorsarneqarnera.

Imarisassanik pilersitsisinnaavutit aamma ataatsimut isigalugu annertunerusumik takunnissinnaallutit.
Pissanganartumik imarisassanik pilersitsillaqqissuuvutit, aammali apeqqutit pingaarutillit apeqqutigisinnaallugit: Sooq una oqaluttuaq oqaluttuariniarparput? Kikkunnut pingaaruteqarpa? Suliffeqarfittut anguniakkatsinnut qanoq attuumassuteqarpa? Aamma angusatsinnit suna ilinniutigisinnaavarput?

Kisimiilluni suliaqarsinnaavutit, nammineq suliniuteqarsinnaallutit aammalu attaveqaqatigiinnermik pilersitsillaqqissuullutit.

Takorluugaraarput:

• Imarisassanik pilersitsinermik social media-nillu misilittagaqarputit, kiisalu siunnerfigisanut assigiinngitsunut allatanik, assinik videonillu soqutiginartunik pilersitsisinnaallutit.
• Periusissatigut eqqarsarsinnaavutit, social media-ni angusat misissoqqissaarlugit aammalu paasissutissat tunngavigalugit inassuteqaatinik tigussaasunik suliaqarsinnaallutit.
• Inunnut suliffeqarfimmullu soqutiginnittuuvutit, oqaluttuanillu pitsaasunik nassaarinissamut ingerlatitseqqiinissamullu piginnaasaqarlutit.
• Kisimiillutit suliaqarsinnaavutit, isumassarsianit aallartillutit saqqummiussinermut akisussaaffik tigusinnaallugu, aammalu suleqatigiit akornanni qanittumik suleqatigiinneq nuannarisarlugu.
• Oqaatsinik arlalinnik atuisumi avatangiisimi sulineq nuannaraat, tassani kalaallisut, qallunaatut tuluttullu imarisassanik pilersitsisarluta, kiisalu oqaatsinut assigiinngitsunut nutserinermi naleqqussaanermilu suleqatigiittarluta.

Piginnaasatit, misilittakkatit kiisalu imarisassanik pitsaasunik pilersitsisinnaassutsit uagutsinnut pingaaruteqarluinnarput. Taamaattumik nuannaarutigissavarput siornatigut pilersissimasannik assersuutinik takusaqarsinnaagutta.

Nuummi attaveqaqatigiinnermut immikkoortortaqarfimmi suleqatigilertigut
Ullut tamaasa Nuummi attaveqaqatigiinnermut suleqatigiit peqatigalugit sulissaatit. Suleqatigiit assigiinngitsumik ilinniagaqartut, kulturikkut tunuliaqutaqartut nunallu assigiinngitsut akornanni agguataarsimasut peqatigalugit sulissaatit, attaveqaqatigiinnerullu immikkoortui assigiinngitsut akimorlugit qanittumik suleqatigiittarluta.

Akulikitsumik ulapittarpugut anguniagaqarpallaarluta, kisianni immitsinnut ikorfartuutarpugut aammalu suleqatigiinnermik pitsaasumik pingaartitsilluta.

Royal Greenlandimi suliffeqarfimmi nunarsuarmi tamarmi ingerlataqartumi, Kalaallit Nunaanni sorlaqartumi nukittuumi, piginnaasatit ineriartortissinnaavatit. Najukkani pissutsinut qanittumik kiisalu nunarsuarmi tamarmi niuernermut qanittumik sulissaatit, periarfissaqarlutillu oqaluttuatta nunarsuarmut qanoq ingerlateqqinneqartarnissaannut sunniuteqaqataanissannut.

Suliffiup sumiiffissaa: Nuuk
Qinnuteqarnissamut ulloq killigititaq: Oqaloqatigiinnerit ingerlanneqartuassapput
Aallartiffik: Isumaqatigiissuteqarnikkut sapinngisamik piaarnerpaamik.
Attaveqarfissaq: Atorfik pillugu apeqqutissaqaruit, suliffeqarfiup attaveqaqatigiinnermut pisortaa Merete Lindstrøm attavigisinnaavat:E-mail: meli@royalgreenland.com

Oqarasuaat: +299 28 18 20
Qinnuteqaatit aamma CV-tit, imarisassanillu siornatigut pilersissimasannik assersuutit ilanngullugit nassiutikkit. Pingaartumik videonik social media-nillu suliaqarsimanerit takorusupparput.
Siusinnerusukkut nalunaarusianik suliaqarsimallutit imaluunniit paasissutissanik atorlutit imarisassat aamma angusat pitsaanerulersissimagukkit, tamanna oqaluttuukkusussagutsigut ammavungut.