Royal Greenland A/S Nuummi Innaallagisserisumik sulisussarsiorpoq

Royal Greenland A/S Nuummi piaartumik atorfinittussamik innaallagisserisumik pikkorissumik sulisussarsiorpoq.

Teknikkimut pisortarput qaninnertut pisortarissavat, ukiumullu arlaleriarlutit nunaqarfinnut angalanissannik naatsorsuutiginnittariaqassaatit.

Atorfimmi suliassatit ilaatigut makkuussapput:

• Suliffissuarmi maskiinat innaallagissamullu atortulersuutit teknikkikkut ingerlatsiviginerat aserfallatsaaliuinerallu.
• Suliffissuarmi maskiinanik nutaanik ikkussuussinermut peqataaneq.
• Suliffissuarmi suliassat takkussuuttut assigiinngitsut isumagineri.
• Kalerrisaarneqarnermi aggersarneqarsinnaaneq, pigaartuunerlu.

Kinaassutsit

• Innaallagisserisutut ilinniagaqarsimassaatit, innaallagisserisutullu sanasutut suliaqarnermik tunuliaqutaqassallutit.

Suliassanut tunngatillugu akisussaaffiit:

• Suliffissuup illuutai, tunisassiornermi atortui angallatillu ingerlaartut pitsaasumik inissisimanissaat qulakkiissavat, tunisassiorneq tamaat pitsaanerpaamik ingerlanneqarsinnaaqqullugu.
• Illuutinut tunisassiornermilu atortunut aserfallatsaaliuinissamut pilersaarutit suliarineqareersut aallaavigalugit sulisassaatit, illuutinillu misissuisarnikkut pilersaarutit malinneqarnissaat qulakkiissallugu.
• Sannavimmi atuakkat ilitsersuutillu attuumassuteqartut aserfallatsaaliorneqartarnissaat peqataaffigissavat.
• Pitsaassutsimut piumasaqaatinik malinninnginnerit ingerlaannaq suliffissuup teknikkimut pisortaanut nalunaarutigisassavatit.
• Suliffissuarmi teknikkikkut inissisimaneq aserfallatsaaliuinerlu pillugit ingerlaavartumik misissuisassaatit. Nikingassutit amigaataasinnaasullu teknikkimut pisortamut pitsaassutsimullu akisussaasumut nalunaarutigisassavatit, pisariaqarpallu iluarsiissutissanik iliuuseqassallutit.
• Teknikkimut tunngasunik paasissutissat pingaarutillit suliffissuarmi tunisassiornermut akisussaasunut, teknikkimut pisortamut, pitsaassutsimut akisussaasumut kiisalu tunisassiornermut pisortamut nalunaarutigineqartarnissaat isumagissavat.
• Teknikkimut immikkoortortaqarfiup initai tamarmik aaqqissuussaasumik torersuutinneqarlutillu eqqiluitsuutinneqartarnissaat peqataaffigissavat, suliffissuup pitsaassutsimut malittarisassai naapertorlugit.
• Sannavimmi sanasut pigaartoqarnermut aaqqissuussinerannut peqataasassaatit.

Aasaanerani suliffissuup nunaqarfiinut qaninnerusunut Atammimmut aamma Fiskenæssetimut angalanissanik naatsorsuutiginnittoqassaaq.

Tamatuma saniatigut:

• Piffissani assigiinngitsuni sulisarnissaq piareersimaffigissavat.
• Pigaartoqarnermut pilersaarut naapertorlugu piffissani aalajangersimasuni sapaatip-akunnerata naanerani sulisarnissaq piareersimaffigissavat.

Neqeroorutigaarput

Suleqatigiinni tunniusimasuni, suleqatit pikkorissut peqatigalugit pissanganartumik unammillernartumillu sulinissamut periarfissaqassaatit. Inuttut suliamullu tunngatillugu ineriartornissamut periarfissagissaarpoq.
Akissarsiat atorfinitsitaanermilu atugassarititaasut piginnaasannut naleqqussarneqassapput.

Atorfik pillugu paasisaqarnerorusukkuit teknikkimut pisortaq Tikki Ezekiassen oqarasuaatikkut +299 361383 imaluunniit e-mailikkut tige@royalgreenland.com attavigisinnaavat.

Qinnuteqarnissamut killigititaq: 1. novembari 2026.

Qinnuteqaativit tigunissaa qilanaaraarput.