Royal Greenland A/S Nuummi Saffiuumik/Teknikeritut sulisussarsiorpoq

Suliffimmik pissanganartumik unammillernartumillu kissaateqarpit? Taava maanna periarfissaqarputit – Royal Greenlandip Nuummi suliffissuani.

Teknikkimut immikkoortortaqarfimmi suleqatit pikkorissut pingasut peqatigalugit sulisassaatit. Ilissi ataatsimoorlusi qulakkiissavarsi teknikki, illuutit, angallatit kiisalu nunaqarfik attuumassuteqartoq tamarmik piffissaq tamaat pitsaanerpaamik ingerlanneqarnissaat, isumannaallisaanermullu tunngatillugu isumannaatsumik ingerlanissaat.

Nuummi teknikkimut pisortamut akisussaassuseqarlutit nalunaaruteqartassaatit.

Atorfernut atatillungu angalanerit pisarumaarput.

Saffiuutut/teknikeritut nutaamik sulileruit ilaatigut makku suliassarissavatit:

• Peqataassaatit qulakkeerniarlugu suliffissuup illuutai, tunisassiornermi atortui angallatillu ingerlaartut tamarmik pitsaasumik inissisimanissaat, taamaalilluni tunisassiorneq tamakkiisumik ingerlanera tamaat pitsaanerpaamik ingerlanneqarsinnaaqqullugu.
• Illuutinut tunisassiornermilu atortunut aserfallatsaaliuinissamut pilersaarutit suliarineqareersut aallaavigalugit sulisassaatit, kiisalu illuutit misissorlugit pilersaarutit malinneqarnissaat qulakkiissallugu.
• Sannavimmi atuakkianut ilitsersuutinullu attuumassuteqartunut aserfallatsaaliuinermik suliaqartoqartarnissaa peqataaffigissavat.
• Pitsaassutsimut piumasaqaatinik malinninnginnerit ingerlaannaq suliffissuup teknikkimut pisortaanut nalunaarutigisassavatit.
• Suliffissuarmi teknikkikkut inissisimaneq aserfallatsaaliuinerlu pillugit ingerlaavartumik misissuisassaatit. Aamma amigaataasinnaasut teknikkimut pisortamut kiisalu pitsaassutsimut akisussaasumut nalunaarutigisassavatit, pisariaqaraangallu aaqqiissutissanik iliuuseqassallutit.
• Teknikkimut tunngasunik paasissutissat pingaarutillit suliffissuarmi tunisassiornermut akisussaasunut, teknikkimut pisortamut, pitsaassutsimut akisussaasumut kiisalu tunisassiornermut pisortamut nalunaarutigineqartarnissaat isumagissavat.
• Teknikkimut immikkoortortaqarfiup initaasa tamarmik aaqqissuussaasumik eqqiluitsuutinneqarlutillu torersuutinneqartarnissaat peqataaffigissavat, suliffissuup pitsaassutsimut malittarisassai naapertorlugit.
• Sanasut sannavianni pigaartoqarnermut peqataasassaatit.
• Aasaanerani suliffissuup nunaqarfiinut qaninnerusunut Atammimmut aamma Qeqertarsuatsiaanut angalanissanik naatsorsuutiginnittoqassaaq.

Kinaassutsit:

• Saffiuutut, maskiinalerisutut, imaluunniit arlaannik assigisaannik teknikkikkut tunuliaqutaqassaatit.

Inuttut: Sanasutut, saffiuutut imaluunniit assingusumik ilinniagaqarsimassaatit.

• Suleriaatsimut aaqqissuussaasumik malittarinnittuussuutit, torersuutitsisuusutit, inussiarnersuullutit nukissaqarlutillu.
• Aalajaatsuullutit akisussaassuseqartuullutit.
• Sullivimmi piffissat eqqarsaatigalugit allanngorartunut naleqqussarsinnaassaatit.
• Kalaallisut qallunaatullu oqalussinnaallutillu allassinnaaguit iluaqutaassaaq.
• Biilinut nalinginnaasunut ingerlatitsisinnaanermut allagartaqassaatit.

Neqeroorutigaarput

Suleqatigiinni tunniusimasuni, suleqatit pikkorissut peqatigalugit pissanganartumik unammillernartumillu sulinissamut periarfissaqassaatit. Inuttut suliamullu tunngatillugu ineriartornissamut periarfissagissaarpoq.
Akissarsiat atorfinitsitaanermilu atugassarititaasut piginnaasannut naleqqussarneqassapput.

Atorfik pillugu paasisaqarnerorusukkuit teknikkimut pisortaq Tikki Ezekiassen oqarasuaatikkut +299 361383 imaluunniit e-mailikkut tige@royalgreenland.com attavigisinnaavat.

Qinnuteqarnissamut killigititaq tassaavoq 1. novembari 2026.

Qinnuteqaativit tigunissaa qilanaaraarput.