Tasiusami (Avannaani) Royal Greenlandimi nillataartitsivimmi qerititsivimmilu tekni-keri

Tasiusami (Avannaani) Royal Greenlandimi nillataartitsivimmi qerititsivimmilu teknikeri

Teknikkikkut misilittakkatit iluaqutaanerpaaffiusumi atorusuppigit?
Aammalu akisussaaffeqarlutit, suleqatigiilluarfimmi, aammalu ulluinnarni inuiaqatigiit pinngortitarlu qanillungit sulillutit nuannaraajuk?

Royal Greenland Upernaviup eqqaani Tasiusami nillataartitsivinnik qerititsivinnillu teknikerimik misilittagaqarluartumik sulisussarsiorpoq.
Nillataartitsivinnik qerititsivinnillu misilittagaqarluartut ulluinnarnilu akisussaaffeqarlutik allannguinissamut periarfissaqarusuttunut atorfik tulluarpoq. Immaqa najungaqarfigisami najungaqareerputit pissutsillu ilisimareerlugit. Immaqa Upernavimminngaannerputit imaluunnit nunatsinni arlaanni najungaqartuullutit. Immaqa alapernaapputit qanoq inuiaqatigiinni ikittunnguani najungaqarluni qanoq misinnarnersoq. 
Tamatumunnga assingusumik Tasiusami suleqataarusussuseqartariaqarlutillu Royal Greenlandip – Kalaallit Nunaanni suliffeqarfiit annersaata – ataani suleqataarusussuseqartariaqarputit.

Suliffimmi pinginnaasatit ulluinnarni inuunitsinnut pingaaruteqarput
Ilagiinni ikinnerussuteqartuni teknikeritut suligaanni amerlasuunut ilaaginnarneq ajornaqaaq. Tassami pinginnaasavit tunisassiornerup ingerlanissaanut tunngaviupput aammalu nillataartitsiviit isumannaatsumik ingerlaannaqqullugit.

Taamaattumik nillataartitsivinnik qerititsivinnillu teknikeritut ulluinnarni teknikkikkut ingerlatsinermi suliaqarnermi pingaarutilimmik inissisimaffeqassaatit.
Nillataartitsivinnik qerititsivinnillu misilittagaqarluartunik nillataartitsiviillu soorlu ammoniak, freon CO2-lu pillugit ilisimasalinnik ujartuissaagut.

Suliassatit ilaatigut ukuussapput:

• Nillataartitsiviit qerititsiviillu atornissaat, aserfallatsaaliornissaat
• Nillataartitsiviit iluamik ingerlanersut aammalu aserfallaatsaaliornissaat.
• Ammoniakkit, freonit CO2-lu atorlugit sulineq.
• Suliffeqarfimmi qerititsiviit ingerlanneranik nakkutiginninneq
• Atortut nutaat ikkussuineranni atortullu atulersinneqarnerini peqataaneq
• Tunisassiornermut atatillungu teknikkikkut suliassat suliarineri.
• Aggequsaariasaarsinnaaneq aammalu nakkutilliinermi peqataaneq, aamma sumiiffinni allani

Kinaavit?
Misilittagaqarsinnaavutit assigiinngitsunik. Nillataartitsiviit pillugit ilisimasaqarluartuunissaq nillataartitsivinnillu suliaqarnermik misilittagaqarluarnissaq pingaaruteqarpoq.

Takorluugaraarput:

• Nillataartitsisarnermut tunngasumik ilinniagaqarsimaneq imaluunniit tamatumunnga assingusumik misilittagaqarnissat
• Nillataartitsiviit qerititsiviillu pillugit misilittagaqarluarneq
• Ammoniaki, freon CO2-lu pillugit ilisimasaqarneq misilittagaqarnerlu
• Teknikkikkut unamminartunik pisoqartillungu eqqissisimallutit sulisinnaassaatit.
• Ulluinnaat allanngortartunut naleqqussarsinnaaneq

Inuiaat ikittunnguit - ataatsimoorfissuarmi
Tasiusaq suliffigissavat, tassanilu nunaqarfimmi inuiaqatigiinnut mikinerusunut ilaalerlutit suleqatitit, tunisassiorneq pinngortitarlu qanimut ilisarisimalissavatit.
Ilaat nunaqarfimmi inuuneq ulluinnarsiutigaat. Allat immaqa allatut inooriaaseqarnissamut suliffittaarnissamullu periarfissarsiortarput.

Qanimut ataatsimoorfiusumi ulluinnarni periarfissaqalissaatit, nunaqarfimmi ingerlatsinermut atatillungu suliatit qanoq pingaartinginersut.
Atorfik angalanissamut periarfissaqarpoq.
Pisariaqartitsineq naapertorlugu nunaqarfinni eqqaaniittuni Upernavimmilu suliatsinni teknikkikkut suliassanut peqataasinnaavutit, taamaalilluni ulluinnarni sulinerit assigiinngiiaarsinnaassaaq, attaveqaqatigiillualernissamut periarfissaqassallutit suleqatitillu pikkorissut ilisarisimalersinnaassallugit.
Aammattaaq immikkut ilisimasatit naleqartinneqangaarlutik atorluarneqarnissaanut periarfissaqassaatit.

Neqeroorutigaarput
Nammineq akisussaaffeqarlutit teknikkikkut unamminiarnartunik suliassaqarneq aamma suliatigut inuttullu ineriartornissamut periarfissat pitsaasut.
Suleqatigiinnut ataqatigiilluartunut, suleqatigiinneq ataqatigiinnerlu pingaartillugit suleqataalissaat, suleqatigiinneq ataqatigiinnerlu pingaarnertut qitiutillugit – sumiiffinni aammalu Kalaallit Nunaanni suliaqarfitsinnut.
Piumasaqaatinnut piginnaaninnullu naapertuuttunik akissarsiaqartissavatsigit.

Tasiusaq ilinnut tulluarpa?
Immaqa tassani nunaqarfimmi najungaqareerputit suliffitsigullu misilittagaqarusullutit nutaanik eqqaarsaatersorlutit. Immaqa siullerpaamik nunaqarfimmi najungaqarneq misilikkusullungu takorluugaqarputit.
Tunuliaquttat suugaluarpalluunniit Royal Greenlandimi atorfik, ulluinnarni suliassat periarfissallu pillugit paasisaqarnerorusukkuit saaffiginninnissamut tikilluaqqusaavutit.
Atorfik pillugu paasisaqarnerorusukkuit Upernavimmi Teknikkimut pisortaq Jan Geisler uunga allaffigisinnaavat: jgei@royalgreenland.com imaluunniit sulisoqarnermut siunnersorti, Søren Olsen Damgaard uunga mailikkut: sold@royalgreenland.com